From : pdevam1803
Added: Apr 3, 2008
College ke ye din humesha yaad humko aaenge, Khatti mithi yado ke sang ankh nam kar jaenge. Wo darna sahmna 1st yr ka, Seniors ke raggin sessions mein. Lunch mein chup chap bahar nikalna, Nazare nichikar line bana ke. Wo 2nd yr mein hero banna, Style marte marte karzo mein doobna. Koshish kee jo raggin lenge, Ghai sir ne dekha aur ho gae pange. Hui khichai juniors ke samne,ho gae kachre, Director's cabin mein katarbadh khade sab bechare. Wo 3rd yr aate aate placement ko daudna, Sessionals ke chakkar mein GTya(mass bunk) todna. Wo roz ki nayi strategy banana, Copy ke har akhiri panne par time table jamana. Fir bhi exam ki akhiri raat Imp Qs.nikalna, Rachana ke Qs. ko ghot ke pee jana. Wo rato ko jagkar assignmnt banana, Fir bhi A grade dekhne ko ankho ka taras jana. Wo ghanto canteen mein bethkar sabko niharna, 2 rupaye ki chay par din bhar guzarna. Har kone har khidki par netwrk ko dhudna, Netwrok aate hi lecturer ka aa jana. Wo lectures ko chod kar library mein bethna, Buraiyo ke pulindo mein pure system ko samethna. Wo mar kar bunk gf/bf se milna, Fir breakups ke kisso mein mahine nikalna. Minor/major projects mein jugad lagana, Aur kharid ke projects scholar ban jana. Wo sports aur culturals mein full attendance hona, Baki din last benchers ban class mein khana aur sona. Wo dosti yari mein ladna jhagdna, Fir pyar se de gali sabko manana. Final yr mein raat raat neend na aana, Tension mein best fren ko miss call marna. Wo rat bhar jagna aur din mein der tak sona, Mummy papa ki daat ko sunna na sunna. Bethe bithaye jabran poet ban jana, Har book har chinde par shayriya likhna. Online gappo mein waqt guzarna, Aur internet ke bills ko papa se chupana. Yeh 3 saal itni jaldi beet jaenge, Aur hum bhi khamakha pass out ho jaenge. Fir na jane ye dost kabhi milenge ke nahi, Par rishte humesha rahenge yahi. College ke ye din humesha yaad humko aenge, Khatti mithi yado ke sang ankh nam kar jaenge.
Category : Entertainment

Also Try: